[飲食] 阿蘇踩場05 - 達磨拉麵

飲食男女 名人影片
《阿蘇踩場》第五集 達磨拉麵


第五集 達磨拉麵
在日本食拉麵，大概$90-$100。
阿蘇覺得無論在香港、台灣、日本食拉麵好，高於公價都是戇居！ 不是俾噱頭錢，就係磚頭（租金）錢！
英明選擇？達磨。阿蘇朋友在大坑做廣告，早就叫她去試達磨，但自問不是一個拉麵fans，所以遲遲未去。
原因一，聽聞得十幾個位，又要搭枱，又成日排長龍，更加冇興趣。
原因二，菜牌簡單，一眼望晒，共8款選擇，分豚骨（原味）、醬油和辣味拉麵三類，全部以豚骨做基底，特點就是又濃又稠。
叫了餐牌上最貴的一品豚骨辣味拉麵(R8)，及一品豚骨拉麵(R6)，80幾蚊一碗。
正！湯底，豬骨湯，好濃，質感也稠，有種「漿口」的感覺。
麵，煙煙韌韌。每隔3日從東京直送而來，才對得起用心熬製的湯底。
蛋，溏心。
最厲害係豬肉，來自荷蘭，溶在口，絕對冇炆得咁溶化。其實最難係炆完仍有一片片豬肉（像扣肉）但食落口是化的，而且味道非常好。
原來他們的湯用40斤豬骨、豬手、香料、雞肉等熬8小時，分量不多，所以每日只能做200碗拉麵。
她還有碗（每日只賣10客）賣$128的拉麵，係湯底更濃，試過，不需要了，$85 is good enough。
小食普通，炸紫芋甘栗餅$20 Must 。
又平，又抵，又正！這裡絕對是全城最好味的拉麵店。

達磨
地址：大坑銅鑼灣道92號地下E鋪
電話：2565 6600