[飲食] 阿蘇踩場07 - HOME All Day Breakfast

飲食男女 名人影片
《阿蘇踩場》第七集 HOME


第七集 HOME
位於銅鑼灣加路連山道的Home，蘇施黃大讚是間心機小店。
店名叫HOME，行過門口，一點也不似屋企，不過，入到去，就似返到屋企了，side board上面放了幾本書，幾樽酒，一個阿嫲時代的黑電話，一大個鏡，玻璃花樽插了枝乾花......看似不在意，其實營造一個非常home feel的感覺。
小店到處放滿非常靚的木櫃，好歐洲feel，據說有些是上手留低，有些自己加添，燈都好靚，證明店主很有taste。
店主叫Jeremy，在英國讀書，鍾意食，回港後，在廣告公司做會計師，後來想開餐廳，於是放棄高薪厚職，返回英國的藍帶廚藝學院（Le Cordon Bleu）拜師。他的餐廳主打英式Comfort Food，自知廚藝一般，他聰明地只負責揀貨，而且揀得唔錯，有80分。
全因一男一女小廚師，好有passion，年青香港人，煮得相當英式地道。菜式不多，意粉、沙律、湯、肉食等，來這裡，推介的就是英式早餐All Day Breakfast。
這份英式早餐窩夫，present精緻，端來便想即食。窩夫配牛仔腸、煙肉、濃邊蛋等，豐富飽肚，是Jeremy在英國生活時常吃的口味。兩角脆脆的窩夫，用上全脂奶，加­重了蛋及牛油分量，入口蛋香特別濃郁，窩夫較厚身，外脆內軟。香腸是本地貨，飽滿有肉汁。
另一款egg benedict亦出色，不似坊間一客有兩件，反而加多了火腿、煙肉或煙三文魚，每隻雞蛋都是半生熟，蛋汁加上酸咪咪的荷蘭汁，少了油膩，有酒店水準。
Overall，好抵食，又平又正。

HOME
銅鑼灣加路連山道11號地下
2881 5598