百病纏身 四出銀 阿蘇：要搵 1億養金燕玲
[轉載/Youtube] 憑飲食節目《蘇 Good》鬧人鬧出名的蘇施黃（阿蘇），最近被指百病纏身，不但有類風濕關節炎、甲狀腺分泌失調等，記者更發現 56歲的阿蘇頸腫、肚脹，行動極為緩慢，狀態不復當年勇。健康狀況雖然差，但並無吹熄阿蘇心中搵銀那團火。最近阿蘇四出開工，繼 8月去日本京都拍飲食節目《京都蘇 Good》後，上星期又連踩 6日，與澳洲 14歲小廚神拍台灣「壹電視」節目《阿蘇出駕》。阿蘇首次攜同密友金燕玲出鏡，一齊帶隊搵食，親密關係不言而喻。
阿蘇四出搏老命搵銀，全為金燕玲日後的生活鋪路，早前她立下目標說：「我要搵夠 1億養另一半。」阿蘇嘅另一半金燕玲，大可以印印腳享福啦！
去年 4月第二輯《蘇 Good》完結後，蘇施黃在 10月開了 45場「我要賺兩億」，反應強差人意，要蝕住做騷。之後阿蘇再無新動向，更有傳佢百病纏身，留家休養大半年。據知情者透露：「今年年初，亞視同無綫都有斟阿蘇拍節目，但阿蘇都以身體不適為由，推晒所有工作。呢段時間佢連講電話都冇晒中氣。」
據知今年初阿蘇經常出入醫院，除了治療困擾她十幾年的類風濕關節炎之外，甲狀腺分泌失調更令阿蘇出現頸腫及肚脹，醫生要她全面停工休息。而 08年曾經乳癌復發的她，每個月又要做定期檢查，醫生叮囑阿蘇即使工作也絕不可有壓力，否則會影響病情。
最近阿蘇工作不停，不但連拍兩個飲食節目，又正籌備一個全新形式的旅遊飲食節目，地點更打算衝出亞洲，自資製作再賣給電視台。
外景因病改期
今年 7月，阿蘇出席公開活動時患上重感冒，台上台下都不停咳，聲音沙啞說話走音，完全不在狀態。原本到京都拍《京都蘇 Good》外景，更因病情有變而要改期起行。知情人士透露：「原本 8月初起程去京都，點知阿蘇病咗，要改期起程。攝製隊失晒預算，最終阿蘇要縮短休息時間嚟拍攝。佢拍完呢個節目都元氣大傷，雖然辛苦，好在都能如期交貨。」
阿蘇不理會醫生警告搏命搵銀，無非想與金燕玲安享晚年。 05年阿蘇因乳癌入院做手術，金燕玲哭得死去活來，二人關係隨即曝光。據知阿蘇與金燕玲都視對方為終身伴侶，阿蘇知道自己身體不好，想給對方一個保障。阿蘇更對記者說：「我要搵夠 1億照顧我嘅另一半下半生。」
本周一晚（ 19日），阿蘇偕金燕玲及張徹太太在半島 high tea，阿蘇看來精神不錯，離開時回應百病纏身的傳聞，阿蘇講笑說：「你哋話我病嘛，不如你借錢俾我睇醫生啦！（你話要搵錢養金燕玲喎！萬一你有咩事，係咪安排好晒？）我大吉利事過你！我好番晒，依家身體不知幾好。」見記者拍照即彈開的金燕玲，聽到阿蘇話要賺夠一億養佢一世，忍不住甜笑，看來兩人感情又昇華了不少。
7月咳到聲沙
阿蘇繼 05年患乳癌後，早前再被傳百病纏身。今年 7月，阿蘇出席公開活動咳唔停，她表示患了重感冒。記者見她當時步伐緩慢，健康狀況麻麻。
狂掃健康食品
8月 30日，阿蘇到中環狂掃健康食品，邊食邊買的她，最後埋單千二蚊。
為食阿蘇買啲乜？
阿蘇幫襯的「樂健坊」位於中環擺花街，主要售賣外國入口的藥物與健康食品。據男店員表示，阿蘇當日只掃零食，「阿蘇都幾為食㗎！一入嚟就叫我哋介紹啲可以降膽固醇同糖尿病人食得嘅零食俾佢。佢仲即場開咗包花生糖邊食邊揀，掃咗好多果仁、花生之類，仲有當早餐嘅粟米片。阿蘇揀嘅零食全部都要無糖無油，仲要香口佢先 like。」
金燕玲下廚餵蘇
早前在台灣及大陸拍劇的金燕玲，一返港即去超市入貨。 8月 29日，她在銅鑼灣 city'super買了黑毛豬扒及法國鮮雞等貴價食材，然後返回與阿蘇同住的玫瑰新邨玩煮飯仔。
連環出「蘇」
阿蘇為銀連環接 job，除早前去了京都拍《京都蘇 Good》，十月會在無綫出街外，她更為台灣「壹電視」拍了一個名為《阿蘇出駕》的節目，節目中除邀請到澳洲小廚神來港，還有金燕玲陪住周圍食好嘢。
